A Rede de Nodos de Innovación constitúe unha estrutura vinculada ás Áreas Sanitarias do Sergas, destinada a facilitar a identificación e validación de ideas e iniciativas de innovación xurdidas no propio sistema sanitario.

Cada Nodo actúa como punto de referencia para os profesionais do seu ámbito, facilitando a achega de propostas e a súa conexión co ecosistema de innovación da Plataforma.

Os Nodos desempeñan unha función diferenciada dentro do ecosistema da Plataforma. A súa principal responsabilidade é validar as ideas presentadas e determinar a súa publicación na Plataforma de Innovación Sanitaria.

A Rede está formada por sete Nodos correspondentes ás sete Áreas Sanitarias do Sergas, aos que se suman estruturas específicas como a Fundación Urxencias Sanitarias 061 e o Nodo central na Axencia Galega de Coñecemento en Saúde.

Cada Nodo conta cunha persoa de referencia para facilitar o contacto e a comunicación co seu ámbito.